Është propozuar reformë në shërbimet sociale dhe familjare, nga KOMF, Institucioni i Avokatit të Popullit, Asociacioni i Komunave të Kosovës dhe Lidhja e Qendrave për Punë Sociale të Kosovës, shkruan Syri.net Kosova.
Sipas një njoftimi thuhet se ata kanë publikuar gjatë muajit të kaluar “Qëndrimin e përbashkët me propozimet për hartimin e Draft Ligjit të ri për Shërbime Sociale dhe Familjare”.
Ky Qëndrim përmban shtatë propozime që kanë për qëllim realizimin e reformës së shërbimeve sociale dhe familjare.
Propozimi i parë ka të bëj me klasifikimin e shërbimeve në tri kategori/ nivele, duke garantuar kështu të drejtën në shërbime sociale për të gjithë fëmijët dhe personat në nevojë për shërbime sociale.
Kategoria 1: Shërbimet primare të parandalimit janë shërbime të përgjithshme të ofruara si ndërhyrje e hershme, në familje, komunitet dhe shoqëri.
Kategoria 2: Shërbimet sociale sekondare janë shërbime të specializuara që ndërhyjnë në jetën e individit kur personi që merr shërbimin është në rrezik dhe nevojë për mbrojtje.
Kategoria 3: Shërbimet terciare janë shërbimet sociale intensive që ofrohen 24/7 për njerëzit në rrezik ose viktima.
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
