ër shkak të përkeqësimit të situatës epidemiologjike dhe rritjes së numrit të rasteve me koronavirus, Shtabet e Krizave të katër komunave në veri të Kosovës kanë vendosur të kufizojnë lëvizjen në këto komuna.
Vendimi që kufizon lëvizjen nga ora 21:00 deri në 05.00 hyn në fuqi sonte.
Ndalimi i lëvizjes për shtatë ditët e ardhshme u njoftua nga zëvendëskryeministri i Kosovës dhe ministri i Pushtetit Lokal, Goran Rakiq, në një konferencë për media, raporton Radio Kontakt Plus.
“Nga sot deri në javën tjetër nga 21:00 pasdite deri në 5 të mëngjesit, lëvizja e të gjithë personave është e ndaluar, përveç atyre personave që janë përgjegjës për luftimin e pandemisë dhe ruajtjen e rendit dhe qetësisë publike”, thuhet në vendimin e Shtabit të Krizave të komunave në veri të
Kosovës, bazuar në rekomandimet e profesionistëve.
Po ashtu, në periudhën e përmendur, hyrja dhe dalja nga territori i katër komunave në veri është e ndaluar, përveç personave me leje speciale.
Gjithashtu u njoftua se institucionet publike në veri të Kosovës do të zvogëlojnë numrin e punëtorëve në minimum.
Qytetarët janë thirrur të sillen me përgjegjësi, të mbajnëmaska mbrojtëse, të respektojnë distancën fizike dhe të ruajnë higjienën personale.
© SYRI.net
Jepen mendime për Ligjin për Shërbime Sociale dhe Familjare 
Ja kush do ta pajisë me CT Spitalin e Ferizajt
Shi e borë në Kosovë 
Denonco
Merrni lajmet më të fundit nga SYRI.net në çdo moment dhe kudo që të jeni!
