Komuna e Prishtinës: Shujtat nga sot do të shpërndahen prej orës 17:00, ja lokacionet...

11:28, 01/06/2020

Pas fillimit të fazës së lehtë të lehtësimit të masave lidhur me parandalimin e COVID-19, Komuna e Prishtinës ka njoftuar se ka bërë një orar të ri për shpërndarjen e shujtave.

Komuna ka bërë të ditur se shujtat nga sot do të shërbehen prej orës 17:00 në dy lokacionet në Tophane dhe Aktash.

“Me fazën e tretë të hapjes dhe lirimin e qarkullimit, prej sot shujtat do të shërbehen prej orës 17:00 në dy lokacionet, Tophane e Aktash. Ju rikujtojmë që është e domosdoshme mbajtja e distancës sociale të personave që shërbehen me këto shujta. Shëndet për të gjithë dhe ju faleminderit për mirëkuptimin”, thuhet në njoftimin e Komunës së Prishtinës.