Ujësjellësi i KUR 'Prishtina' ka raguar lidhur me lajmet që kanë qarkulluar se UD. i kryeshefit ekzekutiv, Sokol Xhafa, është pjesë e VV-së, shkruan Syri.net Kosova.
Reagimi i plotë:
Prishtinë, 7 prill - Të nderuara media elektronike dhe të shkruara,
Fillimisht, ju falënderojmë për bashkëpunimin shumëvjeqar që kemi me ju.
Sot, jemi të detyruar të reagojmë ndaj disa portaleve se, "drejtori i ri i ndërmarrjes së ujësjellësit është aktivist i Lëvizjes Vetëvendosje".
UD i kryeshefit ekzekutiv të KRU"Prishtina" Sokol Xhafa i cili deri më sot ka qenë drejtor teknik i kompanisë, nuk është anëtar i asnjë partie politike, rrjedhimisht as i Lëvizjes Vetëvendosje.
Sokol Xhafa është me profesion hidroinxhiner që përket me veprimtarinë e ushtruar në këtë kompani, ndër vite.
Një fotografi që po qarkullon gjithandej është nga një tryezë i ftuar si drejtor teknik i kompanisë, ku kanë qenë prezent Autoriteti Rregullativ për Ujëra, NP Ibër Lepenci, , profesorë të fakulteteve dhe akter të tjerë dhe nuk ka të bëjë asgjë me asnjë parti politike.
Sokol Xhafa është një profesionist i fushës së inxhinierisë së ujërave.
Kërkojmë nga ju që të jeni korrekt dhe se shpifjet janë të papranueshme për ne.
© SYRI.net