Humbën rrugën në malet e Vlorës, gjenden dy turistë anglezë

14:02, 30/05/2023

Dy turistë anglezë që kishin humbur rrugën në malet e Vlorës janë gjetur nga policia pas disa orë kërkimesh.

Policia e Vlorës bën të ditur se, pas kërkimeve për disa orë, është bërë e mundur lokalizimi dhe gjetja e 2 turistëve anglezë, në vendin e quajtur ‘Maja e Qorres’, në fshatin Dukat.

Njoftimi i Policisë së Vlorës:

Kishin humbur rrugën në një terren tejet të vështirë malor të fshatit Dukat, dhe e kishin të pamundur të ktheheshin, shërbimet e Stacionit të Policisë Orikum iu vijnë në ndihmë 2 turistëve anglezë.

Menjëherë pas marrjes së njoftimit se 2 turistë anglezë, gjatë eksplorimit të zonës, kishin mbetur të izoluar në një terren të vështirë malor, shërbimet e Stacionit të Policisë Orikum kanë organizuar punën për t’iu shkuar në ndihmë.

Falë kërkimeve për disa orë, është bërë e mundur lokalizimi dhe gjetja e 2 turistëve anglezë, në vendin e quajtur ‘Maja e Qorres’, në fshatin Dukat. Turistët po shoqërohen për në ambientet e hotelit ku ishin akomoduar dhe janë në gjendje të mirë shëndetësore.

Turistët anglezë kanë falënderuar shërbimet e Policisë dhe ato mbështetëse, për reagimin e menjëhershëm, profesionalizmin e treguar dhe humanizmin e shfaqur gjatë ofrimit të ndihmës.

© SYRI.net

Lexo edhe:

• FOTOLAJM/ Berisha: Edi në tovolinë me matrioshkën e Putinit. Enveri mbante bustin e Stalinit
• Banka e Shqipërisë: Sulme kibernetike ndaj sektorit bankar në vitin 2023
• Kush është personi që po përdor Rama për t’i marrë PL-në Metës? Ish-Presidenti përgjigjet në ‘Quo Vadis’