34-vjeçarja humbi jetën pas abortit, policia procedon dy mjekët e Maternitetit të Elbasanit

16:23, 31/01/2023

Një shtetase 34 vjeçe ka humbur jetën nga  komplikacionet e  shfaqura pas një aborti që kishte kryer në Maternitetin e Elbasanit.

Policia ka proceduar penalisht dy mjekët e Maternitetit të Elbasanit për veprat penale “Neglizhenca në trajtimin mjekësor”.

Njoftimi i policisë:

Më datë 30.01.2023, rreth orës 12:00, një shtetase 34 vjeçe është paraqitur në ambientet e Maternitetit të Elbasanit, ka kryer një procedurë aborti dhe më pas është larguar në banesë. Rreth orës 18:00 të së njëjtës ditë, dyshohet se për shkak të komplikimeve të gjendjes shëndetësore, kjo shtetase ka njoftuar shërbimet e ambulancës, të cilat e kanë transportuar atë në Maternitetin e Elbasanit, ku kjo shtetase ka humbur jetën. Për këtë rast, oficerët e Policisë Gjyqësore të Prokurorisë pranë Gjykatës së Rrethit Gjyqësor Elbasan kanë iniciuar procedimin penal për shtetasit A. P., 56 vjeç dhe B. Gj., 60 vjeç, mjekë në Maternitetin e Elbasanit, për veprën penale “Neglizhenca në trajtimin mjekësor”. Vijon puna nën drejtimin e Prokurorisë, për zbardhjen dhe dokumentimin e plotë ligjor të këtij rasti.

© SYRI.net

Lexo edhe:

• Plehrat ‘pushtojnë’ bregdetin/ Berisha nxjerr VIDEO-n: Durrësi turistik
• VIDEO/ Berisha: Të premten të flakim qelbësirën, kalbësirën e bashkisë për të flakur me radhë kalbësirat e tjera
• VIDEO/ Berisha: Të bashkohemi të premten për fitoren e shpirtit europian të qytetarëve shqiptarë.