Zbulohet data kur nisën saktësisht sulmet kibernetike nga Irani në Shqipëri

15:02, 30/11/2022

Është bërë publike data kur hakerat iranianë bënë ndërhyrjen e parë në sistemin shtetëror shqiptar.

Sipas dosjes së siguruar nga tch, bëhet me dije se bazuar në investigimet e nisura pas sulmeve kibernetike të hakerave iranianë, ka rezultuar se ka qenë pikërisht data 21 maj 2021, kur në sistemet sekrete shqiptare u vodhën të dhënat e para.

File GoXml, i cili është përdorur për enkriptimin e të dhënave, por edhe CISA (Cyber Security and Infrastructure Security Agency) , të dy këto ekipe investigimi, kanë bashkëpunuar ngushtësisht me ekipet teknike të AKSHI-t , duke qenë të pranishëm edhe fizikisht në ambientet e AKSH-it për kryerjen e të gjitha investigimeve të tyre, një javë pas kryerjes së sulmit të parë.

Në dosje thuhet se ka qenë i domosdoshëm ky bashkëpunim në investigim, pa të cilin rezultatet nuk do të kishin qenë të njëjtat.

Sulmi kibernetik i Iranit ndaj sistemeve të vendit tonë, ndodhi për shkak të një serveri të pa-përditësuar duke u kthyer për hakerat në një portë hyrëse.

Rasti më freskët i publikimit të të dhënave sekrete, ka qenë dy ditë më parë ku grupi  ‘Homeland Justice’ ka publikuar një listë më 1081 faqe ku janë listuar të dhëna të qytetarëve shqiptarë të pajisur me leje drejtimi.

Ndërkohë ditën e sotme 5 persona, punonjës të Ministrisë së Brendshme dhe DAP, të akuzuar për “shpërdorim detyre” pas sulmeve kibernetike nga Irani, janë lënë në detyrim paraqitjeje nga gjykata e Tiranës.

Personat e akuzuar janë:

Alketa Sulo – Specialist, Sektori i IT në Departamentin e Administratës Publike, Përgjegjës, Sektori i IT në Ministrinë e Brendshme;

Altin Sallaku– Përgjegjës, Sektori i IT në Departamentin e Administratës Publike, Përgjegjës, Sektori i IT në Drejtorinë e Përgjithshme të Burgjeve;

Rudina Llagami – Specialist, Sektori i IT në Departamentin e Administratës Publike;

Igli Lubonja– Specialist, Sektori i IT në Departamentin e Administratës Publike; dhe

Albi Gjeka– Specialist, Sektori i IT në Departamentin e Administratës Publike./TCh/

© SYRI.net

Lexo edhe:

• 'Partnerët kanë sjellë dosje për trafik droge në 3 qytete', Çollaku për raportin e DASH: Korrupsioni te zyrtarët publikë është shumëfishuar
• Çollaku: Korrupsioni, janë shumëfishuar rastet. Partnerët kanë sjellë dosjet e drogës për 3 qytete
• VIDEO/ Zaimi: Mafia shqiptare është strukturuar në nivele të larta, do të jetë problem i madh për Europën