Të rinj që kanë vendosur të investojnë në bujqësi, po shohin dita ditës se po shkojnë drejt falimentimit. E tillë është historia e 24-vjeçarit Igli Hoxha nga fshati Zvirinë e Maliqit. Ai thekson se kursimet e punës sezonale në emigrim i ka investuar në kultivimin e qepës, por gjatë tre viteve të fundit është duke dalë me humbje.
Nga SYRI TV
Igli Hoxha është një i ri 24-vjeç. Ai ka zgjedhur të punojë në vendlindje, si fermer duke kultivuar qepe dhe patate.
Në fshatin Zvirinë të Maliqit, Igli është munduar të ndërtojë jetën, por ajo sa vjen e bëhet më e vështirë, për shkak të pamundësisë për të fituar nga puna në bujqësi.
Për të investuar në bujqësi, fermeri i ri tregon se shkon shpesh të punojë në emigrim. Por, vitet e fundit, kostot në bujqësi janë rritur, ndërsa fitimet kanë pësuar ulje. Prej tre vjetësh ai nuk nxjerr fitime, ndërsa akuzon shtetin për braktisje, që po e çon në faliment.
Nafta e shtrenjtuar dhe imputet kimike me çmim të dyfishuar apo dhe mungesa e tregut dhe subvencioneve, janë shkaku pse edhe ky i ri kërkon të braktisë vendin.
Ky fermer i ri thotë se ka shpenzuar rreth 2 milionë lekë për të kultivuar qepën këtë sezon, por prodhimi, siç shihet dhe nga pamjet, ka mbetur stok.
© SYRI.net
‘Dorëzova sot kërkesa për informacion te Rama dhe institucionet’, Salianji: Nëse nuk kthejnë përgjigje brenda 5 ditëve…
Arrestohet krahu i djathtë i Rrumit të Shijakut, Agron Bejdolli, u gjet në…
Meta: Dumani takime me McGonigalin. Heton drejtorët që të shpëtojë Veliajn. SPAK organizatë politike
Denonco
Merrni lajmet më të fundit nga SYRI.net në çdo moment dhe kudo që të jeni!
