Aktivisti Aulon Kalaja komentoi në edicionin e pasdites me moderatorin Edvin Parruca në Syri Tv përvjetorin e tretë të tërmetit tragjik të 26 nëntorit ku humbën jetën 51 persona.
Tre vite më vonë duke bërë një bilanc të kësaj tragjedie, Aulon Kalaja deklaroi se një pjesë e madhe e qytetarëve gjendet në konteinerë dhe në çadra ndërsa shtoi se në Bubq situata është e rëndë.
"Ka disa familje, disa kurora që s'kanë marrë një zgjidhje përfundimtare për shtëpinë. Qytetarët nuk i kanë përfituar metrat katrorë që kanë pasur për ata që kanë marrë. Qeveria synon që të ndërtohen pallate nga biznesmenë që kanë lidhje me politikën, e kam denoncuar herë pas here."-tha Kalaja.
Kalaja deklaroi se ka patur probleme në menaxhimin e fondeve ndërsa shtoi se paratë e tërmetit janë përdorur për fushatë elektorale nga qeveria që të siguronte mandatin e tretë.
“Më 25 prill 2021 transfertat bankare që ka bërë qeveria tek ata që iu prish shtëpia nga tërmeti dhe një pjesë të patronazhistëve të PS-së, kanë kaluar në mars dhe prill 2021, 150 mln euro, për të vetmen arsye që ishte vit elektoral për mandatin e tretë të qeverisë së Ramës.
Këtë nuk e them unë por edhe ata që merren me monitorimin e zgjedhjeve. Paratë e tërmetit u përdorën për fushatë elektorale. Keqmenaxhim i këtyre fondeve kur qytetarët janë në çadra e konteinerë."-deklaroi Kalaja.
© SYRI.net
Veliaj në panik, Taulant Balla bëhet ushtar i bandës '5D', arreston të rinjtë protestues
Këlliçi tregon foton: Kush e njeh këtë bandit të infiltruar në protestën e djeshme?
Rrëmbimi i fëmijës nga gjyshja, flet Xhaxhai: E ka marrë se e do shumë, jo për t'i bërë dëm
Denonco
Merrni lajmet më të fundit nga SYRI.net në çdo moment dhe kudo që të jeni!
