Përplasje mes tifozëve pro-qeverisë së Iranit dhe protestuesve shpërthyen në ndeshjen e dytë të këtij vendi në Kampionatin Botëror të Futbollit në Katar të premten.
Disa tifozë protestues thanë se iu morën flamujt, ndërsa të tjerë u bërtitën dhe i sulmuan.
Zyrtarët e sigurisë së stadiumit konfiskuan gjithashtu bluza dhe sende të tjera që shfaqnin qendrime antiqeveritare.
Protestat e kanë përfshirë Iranin që nga vdekja e 22-vjeçares Mahsa Amini në shtator.
Zonja Amini u arrestua në Teheran nga policia e moralit pasi dyshohet se nuk i mbuloi flokët siç duhet dhe vdiq në paraburgim policor tre ditë më vonë. Demonstratat u përhapën në të gjithë vendin me njerëz që kërkonin ndryshime të tilla si më shumë liri ose përmbysje të shtetit, dhe qeveria është përgjigjur me një goditje vdekjeprurëse.
Të premten - në ndeshjen e Kupës së Botës të Iranit kundër Uellsit - disa protestuesve iu rrëmbyen flamujt e Persisë para-revolucionarë nga tifozët pro-qeverisë së Iranut, në stadiumin Ahmad Bin Ali.
Thuhet se u hodhën edhe ofendime ndaj disa njerëzve të veshur me bluza ku shkruheshin fjalët "grua, jetë, liri" - një frazë që është bërë një thirrje në mitingjet e protestuesve kundër autoriteteve të Iranit.
Një spektatore iraniane pretendoi se policia e Katarit e urdhëroi atë të fshinte emrat e protestuesve të vrarë nga forcat iraniane të sigurisë nga krahët dhe gjoksi i saj, pasi u ankuan tifozët pro-qeverisë.
Një grua tjetër tha se ajo u pengua të vishte një bluzë me fytyrën e zonjës Amini në stadium.
Gratë që jepnin intervista për shtypin e huaj në lidhje me protestat u panë gjithashtu të dhunuara nga të paktën një grup burrash.
Disa përdorën celularët e tyre për të filmuar gratë që gjithashtu iu nënshtruan sulmeve verbale dhe burrat që brohorisnin me zë të lartë: "Republika Islamike e Iranit".
Në ndeshjen, të cilën Irani e fitoi 2-0 kundër Uellsit, lojtarët iranianë u shanë dhe u fishkëllyen teksa këndonin himnin kombëtar të vendit përpara fillimit.
Në ndeshjen e tyre të mëparshme kundër Anglisë të hënën, lojtarët qëndruan të heshtur gjatë himnit në një shprehje të dukshme të mbështetjes për protestat antiqeveritare.
© SYRI.net
Berisha liston shkeljet e SPAK me aferën 5D/ Berisha: Damani nuk guxon ta përmendë emrin e Veliajt
Berisha: Hilet e Dumanit me hetimin e kryehajdutit të bashkisë, Erion Veliaj. Në asnjë rast nuk flitet për grup të strukturuar kriminal
VIDEO/ Meriton Mjekiqi dhe Egla Ceno lënë pas inatet, vallëzojnë së bashku
Denonco
Merrni lajmet më të fundit nga SYRI.net në çdo moment dhe kudo që të jeni!
