Pedagogu Bislim Ahmetaj komentoi në edicionin e pasdites me Armela Ferkon në Syri Tv se numri i pedagogëve që morën pjesë sot në protestë për pagat e tyre ishte 5 herë me i madh se numri i pedagogëve në protestën e parë.
"Më bën të ndihem keq kjo situatë. Por jam dhe optimist se shoh që i ka ardhur fundi një ndërmarrje që po e shpërbën Shqipërinë. Ne jemi në universitet sepse janë studentët, studentët janë aty sepse jemi edhe ne."-tha Ahmetaj.
Më tej ai deklaroi se ka një ndërgjegjësim ndërsa shtoi se pedagogët në Shqipëri i kanë kapacitetet për të ndërtuar jetën e tyre edhe jashtë auditorit, por qeveria nuk duhet t'i shpërfillë.
"Një pedagog që i duhet të punojë 4 orë për 1 orë mësim, s'mund të paguhet njësoj si një punëtor ndërtimi, me gjithë respektin e atyre që bëjnë punë të ndryshme. Duhet të ndodhë një ndryshim i madh dhe ndërgjegjësimi i pedagogëve për të qenë pjesë e protestave, kam përshtypjen se ka arritur atë që i duhet shoqërisë shqiptare."-tha Ahmetaj.
© SYRI.net
LIVE/ Qytetarët tubim në mbështetje të liderit të opozitës, Sali Berisha 
Meta: Në 27 prill ekzekutojmë nepotizmin! Para statutit janë të barabartë të gjithë
Ilir Meta: Lulzim Basha një palaço, ka kënaqësi gënjeshtrën
Denonco
Merrni lajmet më të fundit nga SYRI.net në çdo moment dhe kudo që të jeni!
