Diplomati Agim Nesho komentoi në emisionin 'Task Force' në Syri Tv fitoren e Georgia Melonit në zgjedhjet e mbajtura në Itali një ditë më parë.
Agim Nesho deklaroi se koha që po vjen është e së djathtës që po merr dhe po shtrin prezencën e saj në të gjithë vendet europiane.
"Kjo, për shumë arsye, dështimin e politikave, globalizmin, krijimin e të ashtuquajturit çështje të identitetit kulturor të popujve të caktuar.
Kjo tregon që është një tendencë, kjo tendencë s'mund të kthehet pavarësisht nga agresiviteti apo propaganda."-tha Nesho.
Më tej diplomati deklaroi se të majtët në Itali tregojnë të shkuarën e errët ndërsa tashmë në shekullin XXI çështjet ideologjike të një shekulli më parë janë tejkaluar.
"Shoqëria është zhvilluar, partitë politike, interesat e qytetarëve. Në çdo parti që zë vëndin e saj në spektrin politik, paragjykohen për arsye të pikëpamjeve nga shikohet zgjidhja e këtij problemi."-tha Nesho.
© SYRI.net