Burime bëjnë me dije se Lulzim Basha ka rënë dakord me Ramën që për avokat të popullit të votojë Ilir Rusmailin, ish-demokratin që prej vitesh amballazhon të gjitha iniciativat ligjore antikushtetuese të Ramës që kanë për qëllim eleminimin e opozitës.
Ilir Rusmaili, një ish-armik i Bashës në qeverinë 'Berisha', tani është kthyer në preferencën e Bashës qysh kur ish-demokrati bashkëpunon me Ramën kundër PD.
Në ditët e nxehta të Gushtit kur PD dhe opozita janë marrë gjithë kohën me dëgjimin e grupeve të ndryshme dhe denoncimin e aferës së inceneratorëve, Basha nga Hamalla megjithëse i zënë me përfundimin e pishinës tek dy vilat që fitoi në opozitë, ka gjetur kohë të negociojë me Ramën për Ilir Rusmailin, ish-demokratin e kthyer në shërbim të Edi Ramës.
Kjo ka sjellë edhe përplasje brenda deputetëeve të Bashës pasi secili ka nga një kandidat të vetin e nuk janë dakord për Ilir Rusmailin.
© SYRI.net