Qytetarët e revoltuar nga ngjarja tragjike në Himarë, ku një komisar policie goditi për vdekje me skaf 7 vjeçaren Jonada Avdia, shprehen se përgjegjësit kryesorë për këtë ngjarje janë Ministri i Brendshëm Bledi Çuçi dhe Ministrja e Turizmit Mirela Kumbaro.
Në opinionet e tyre për Syri TV, qytetarët u kanë bërë thirrje ministrave që të dorëhiqen e po ashtu kanë bërë përgjegjës për këtë ngjarje edhe vetë Kryeministrin Edi Rama.
Të enjten, mijera qytetarë u mblodhën para Ministrisë së Brendshme, Kryeministrisë e Presidencës në një proteste të thirrur nga Shoqëria Civile ndaj ngjarjes tragjike në plazhin e Potamit në Himarë.
Qytetarët i lanë afat kryeministrit Rama që brenda 72 orëve të shkarkonte nga detyra Ministrin e Brendshëm Bledi Çuçi, Ministren e Turizmit Mirela Kumbaro dhe Drejtorin e Përgjithshëm të Policisë Gledis Nano.
© SYRI.net