Kur flet për gjendjen e keqe sipas saj në të cilën ndodhet Shqipëria, Monika Kryemadhi nuk vë gishtin vetë nga Edi Rama, por gjithashtu fajtor kryesor bën ish-bashkëpunëtorin e saj, Lulzim Basha. E ftuar në emisionin '5 pyetjet nga Babaramo', kryetarja e LSI-së tha se ajo nuk ka dështuar në opozitarizmin përballë Edi Ramës, por është "vrarë" pas shpine nga Basha. Ndërkohë, tha se nuk e di se çfarë plani ka Ilir Meta, pasi t'i mbarojë mandati.
"Nuk e di ca plani ka Meta pasi të ikë nga presidenca, Monika nuk dështoi në opozitarismin e saj, u vra pas shpine nga bashkëluftëtari i saj, tradhtia e Bashës ka sjellë Shqipërinë në këtë stad ku jemi. Mund të kishte qenë ndryshe, duke mos u larguar nga parlamenti e duke mos bojkotuar zgjedhjet, opozitarizmi nuk bëhet me ide, por me alternativa e programe", tha Kryemadhi.
Duke u ndalur te situata në Partinë Demokratike, që deri pak kohë më parë ka qenë aleati më i madh i LSI-së, Kryemadhi tha se është shumë e nevojshme që kjo parti të ristrukturohet. Ajo ka komentuar edhe shpalljen 'Non Grata' të Sali Berishës, duke thënë se kjo është një çështje personale e tij me SHBA dhe DASH.
"E kanë bërë si modë të gjithë, 'Non Grata' është ekspuls, është çështje personale e Berishës me SHBA dhe DASH, nuk më intereson më interesojnë këto para që blejnë vota. Nuk është në të drejtë time se kë do PD, a ka nevojë PD për ristrukturim, ka nevojë për një plan e një strategji të qartë, se unifikimi i qëndrimeve të opozitës është i rëndësishëm dhe mendoj që sot qytetarët duhet ta lidhin protestën jo me individin, por fitimet që ato do kenë", tha Kryemadhi.
Në fund, Kryemadhi foli edhe për inceneratorin e Tiranës, ku theksoi se janë bërë 189 milionë dollarë evazion fiskal duke paralajmëruar se 24 kompani do i denoncojë në SPAK. Nisur nga kjo, kryetarja e LSI-së, shtoi se SPAK duhet ta hetojë dhe bllokojë evazionin.
"Kjo është një skemë financiare korruptive shumë e sofistikuar por është sa e thjeshtë kur e kupton po aq e sofistikuar për opinionin publik, për mediat. Sepse këto kompanitë fiktive nuk i kanë bërë as ata pensionistët që janë 94-95 vjeç. Sigurisht që këto kompanitë fiktive janë bërë me nënpunës zyrtarë të shtetit shqiptar që janë të lidhur ngushtë me kryeministrin. Sepse vetëm me një urdhër të kryeministrit, ministrisë së Financave dhe drejtorisë së Tatimeve mund të ndodhë kjo, nuk ndodh në asnjë vend tjetër.
SPAK vetëm duhet t’i verifikojë sepse puna e grupit të punës ka qenë e jashtëzakonshme faturë për faturë. SPAK-u vetëm t’i verifikojë dhe nëse merret seriozisht e evazionit fiskal jo vetëm që bllkohet inceneratori Tiranës që merr para përditë megjithësë nuk ka incenerator. Po përveç kësaj ne duhet të kuptojmë që në të gjithë systemin financiar shqiptar ka një lëvrim të parave të pista të cilat kanë inkriminuar dhe sëmurur sistemin financiar shqiptar po kanë shkaktuar një goditje shumë të madhe në ekonominë shqiptare duke goditur bizneset e ndershme", përfundoi kryerja e LSI-së.
© SYRI.net
VIDEO/ Muçollari: Protesta ndaj Veliaj është domosdoshmëri, as 1% e vjedhjeve nuk janë zbuluar
Analisti: Bashkia e Tiranës duhet shkrirë se është organizatë kriminale
Vjedhjet me '5D'/ Sot protesta e opozitës të bashkia e Tiranës
Denonco
Merrni lajmet më të fundit nga SYRI.net në çdo moment dhe kudo që të jeni!
