I ftuar në A Show në SYRI TV me moderatorin Adi Krasta, aktivisti Genc Sejko ka komentuar veprimet e opozitës në vend duke i quajtur edhe dalje jashtë kontrollit.
Sejko: Më shumë se kurrë, sot vendit ka nevojë për një opozitë të fortë. Po shohim një opozitë të çorientuar në kushtet e një lufte civile dhe një gjë e tillë nuk ndihmon askënd tjetër vetëm qeverinë dhe Ramën.
E shof si një betejë të gjatë e cila nuk do ketë fitues, pasi populli i thjeshtë që kërkon ndryshim do largohet edhe më shumë nga zgjidhja.
Krasta: Çfarë ke vënë re me sjelljen online e kryeministrit dhe qeverisë të Shqipërisë?
Sejko: Kemi dy realitete paralele. Ajo që ndodh në të vërtetë dhe ajo sesi e prezanton qeveria, qofshin ngjarje politike apo edhe evente të tjera qofshin të çdo lloji.
Misioni që i kam vënë vetes është që opinioni publik nëpërmjet online ti hapim një dritare ndryshe nga ajo që i jep qeveria. Kemi një qeveri në funksion të pushtetit të Ramës.
Një qytetar duhet të jetë opozitar qoftë edhe me qeverinë që e ka votuar. E trysnon që ajo të qeverisi më mirë.
© SYRI.net