VIDEO/ Ferrari me 231 km/h në Fier, kapet polaku me patentë false

11:17, 28/07/2021

Vazhdon çmenduria në bajpasin e Fierit. Kësaj radhet kapet polaku me një Ferrari. Ai po lëvizte me 231 km në orë.

NJOFTIMI ZYRTAR

Në Bypass-in e Fierit, shërbimet e Policisë Rrugore kanë konstatuar nëpërmjet radarit, automjetin tip “Ferrari” me targa gjermane, që drejtohej me shpejtësi  231 km/h, nga shtetasi T. S., 50 vjeç, nga Polonia.

Nga verifikimet e kryera në bashkëpunim me Interpolin ka rezultuar se ky automjet është i shpallur në kërkim në Gjermani, për mungesë siguracioni. Gjithashtu, leja e drejtimit që ky shtetas i paraqiti punonjësve të Policisë, ishte e falsifikuar.

Në vijim të veprimeve, nga specialistët e Seksionit për Hetimin e Krimit Ekonomik e Financiar në DVP Fier u bë arrestimi në flagrancë i shtetasit T. S., për veprat penale “Përdorimi i dokumenteve të falsifikuara” dhe “Falsifikimi i vulave, stampave ose i formularëve”.

Për këtë shtetas u vendos edhe masa administrative 80.000 lekë të rinj, për tejkalim të normave të shpejtësisë dhe mungesë siguracioni.

Automjeti tip “Ferrari” u sekuestrua në cilësinë e provës materiale.

© SYRI.net

Lexo edhe:

• FOTOLAJM/ Berisha: Edi në tovolinë me matrioshkën e Putinit. Enveri mbante bustin e Stalinit
• Banka e Shqipërisë: Sulme kibernetike ndaj sektorit bankar në vitin 2023
• Kush është personi që po përdor Rama për t’i marrë PL-në Metës? Ish-Presidenti përgjigjet në ‘Quo Vadis’