‘Pasaportat e imunitetit’, kështu do rifillojë jeta

‘Pasaportat e imunitetit’, kështu do rifillojë jeta

09:46, 02/04/2020

Edhe Italia duket se do ndjekë modelin gjerman për të rifilluar jetën. Deri më tani ekziston frika se nëse do të rinisë puna në vend, mund të rikthehen vatrat e infeksionit të koronavirusit.

Një mënyrë e propozuar nga shkencëtarët është ajo e testimeve për të gjetur imunët, shkruan Repubblica.

Dy ditë më parë u raportua se Gjermania do të bëjë diçka të tillë. Më shumë se 100 mijë njerëz do i nënshtrohen testimeve për antitrupat e koronavirusit.

Studimi masiv do të tregojë se kush e ka kaluar infeksionin dhe është tashmë imunë për të vazhduar punën. Shkencëtarët gjermanë do i quajnë këto ‘pasaportat e imunitetit’.

Testimi pritet të nisë nga mesi i prillit dhe do të përsëritet me intervale të rregullta për të gjurmuar progresin e pandemisë.

Edhe Britania shpreson që të përdorë të njëjtën mënyrë. Megjithatë, Gjermania duket se mbetet vendi lider në Europë sa u përket testimeve.

© SYRI.net

Lexo edhe:

Komentet

Shto koment

Denonco