Kryeministri i Kosovës, Albin Kurti, ka aprovuar sot dy prej pesë propozimeve të partneres në qeverisje, Lidhjes Demokratike të Kosovës, për zëvendësministra të rinj nga radhët e saj.
Emërimet e dy zëvendësministrave i ka konfirmuar Zyra e Kryeministrit, nëpërmjet komunikatave për media.
Pas propozimit nga kreu i LDK-së, Isa Mustafa, Kurti sot ka emëruar Agim Krasniqin, zëvendësministër në Ministrinë e Financave dhe Transfereve.
“Duke i uruar suksese në detyrën e re, kryeministri Kurti vlerësoi se përvoja profesionale e Krasniqit në fushën e ekonomisë do të ndihmojë në institucionin të cilit do t’i shërbejë”, thuhet në komunikatë, shkruan Syri.net Kosova.
Kurti po ashtu ka emëruar sot Xhavit Rexhajn, zëvendësministër në Ministrinë e Arsimit, Shkencës, Teknologjisë dhe Inovacionit.
“Duke i uruar suksese në detyrë e re, kryeministri Kurti vlerësoi se përvoja profesionale e Rexhaj në fushën e arsimit dhe shkencës, do të jetë ndihmës në avancimin e sektorit të arsimit”, thuhet më tej në komunikatë.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
