Kryeministri në detyrë, Ramush Haradinaj, në emisionin Pressing të T7, ka treguar arsyen pse Aleanca për Ardhmërinë e Kosovës nuk e votoi kryetarin e Kuvendit, Glauk Konjufcën, në momentin kur u votua për zgjedhjen e tij si i pari i Kuvendit.
Haradinaj ka thënë se nuk ka ndonjë vërejtje personale për Konjfucën, por thjesht u zunë në befasi.
“Nuk kam asnjë vërejtje personale për Glaukun, nuk është familje e keqe. Por, ne jemi në politikë dhe ka të bëjë për koncept. Ai është nxënë në befasi e gjithashtu edhe ne, andaj nuk mund ta votonim”, është shprehur Haradinaj.
“Kemi qenë të papërgatitur. Ishte hera e parë në histori që deputetët nuk e dinë emrin e kryetarit të parlamentit deri në momentin e fundit, nuk e di pse ka ndodh kjo”, ka thënë Haradinaj.
Tutje, ai tregoi se në çfarë mënyre do ta votonin Konjufcën për kryetar të Kuvendit.
“Sikur shefi i grupit parlamentar të Vetëvendosjes ta kishte ftuar shefin e grupit parlamentar tonë, dhe ta kish pyet a jeni për me përkrahë këtë person, ndoshta nuk do të kishte problem, por nuk ndodhi kështu”, përfundoi Haradinaj.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
