Skënder Hyseni nga Lidhja Demokratike e Kosovës ka thënë se Vetëvendosje dhe Albin Kurti janë të interesuar për zgjedhje të reja, dhe nuk duan të arrijnë marrëveshje me LDK’në.
Hyseni sjellet e Albin Kurtit i sheh si papjekuri politike, dhe aspak serioze.
“Fizkultura politike janë këto sjelljet e Vetëvendosjes, dhe kjo parti është e interesuar që vendi të shkojë në zgjedhje”, ka thënë ai.
Kujtojmë, që oferta e fundit e LDK’së ka qenë që VV’ja të heqë dorë nga posti i kryeparlamentarit, të cilin e mori më 26 dhjetor Glauk Konjufca, dhe në momentin e përzgjedhjes së presidentit pas një viti, LDK’ja të marrë postin e presidentit e kryeparlamentarin t’ia kthejë VV’së.
Kjo nuk është pranuar nga VV’ja që në këmbim të pozitës së kryeparlamentarit u raportua se i ka ofruar LDK’së një ministri më shumë.
© SYRI.net