Sipas njoftimit të VV, në takimin që do zhvillohet ditën e nesërme mes Lëvizjes Vetëvendosje dhe Lidhjes Demokratike të Kosovës, do të marrin pjesë edhe përfaqësuesit e QUNTI-it dhe BE-së.
Në një prononcim për mediat, nënkryetarja e LDK-së, Vjosa Osmani, ka treguar se në çfarë formati do të mbahet takimi i nesër, nën prezencën e ambasadorëve perëndimorë.
Sipas Osmanit, negociatat vazhdojnë edhe nesër në praninë e përfaqësuesve e QUINT-it dhe BE-së dhe ky takim do të jetë ‘informativ’ dhe nuk pritet të ndërmjetësojnë vendet e QUINT-it për arritjen e marrëveshjes.
“Takim informativ, ashtu ka qenë ideja kur e diskutuam”, ka thënë Osmani.
Gjithashtu Osmani ka treguar se ka qenë kërkesë e përbashkët e LDK-së dhe e Lëvizjes Vetëvendosje për të zhvilluar takim në praninë e ambasadorëve të QUINT-it.
Takimi që zgjati më shumë se dy orë sot në Kuvendin e Kosovës nuk rezultoi me marrëveshje për formimin e Qeverisë mes LDK-së e VV-së.
LVV njoftoi se në takimin e nesërm përveç dy delegacioneve të dy partive, marrin pjesë edhe ambasadorët e Shteteve të Bashkuara të Amerikës, Gjermanisë, Francës, Britanisë së Madhe dhe Italisë, bashkë me shefen e misionit të BE’së në Kosovë, Natalya Apostolova.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
