Nisma Socialdemokrate ka mbajtur konferencë për media, ku ka folur Sekretari i Përgjithshëm i kësaj partie Bilall Sherifi, krejt kjo, pas ankesave që VV ka dorëzuar në Supreme për vendimin e PZAP-së për votat e ardhura nga Serbia transmeton Syri.net Kosova.
Ai ka thënë se për Nismën janë 42 mijë vota, përballë mbi 3 mijë e 400 që janë të parregullta e që kanë ardhur nga Serbia, derisa ka akuzuar ashpër Vetëvendosjen se po duan të grabisin mandatet e Nismës përmes këtyre votave kriminale.
“Pra janë 42 mijë vota të rregullta e të ligjshme përballë mbi 3 mijë e 400 votave kriminale. Ata po duan të grabisin mandate. Gjashtë deputetë i ka koalicioni i Nismës. Pra ky është mandati që ka dhënë populli, çdo tjetër është tentim për grabitje. Pra në votat e Serbisë, nuk kemi dërgim të votave por dorëzim të votave. Pra kemi aktvendimin që reflekton saktësisht qëndrimin e VV-së në mbledhjen paraprake të KQZ-së”, tha Sherifi.
Ky i fundit ka ritheksuar se vjedhja e mandateve të Nismës nuk do të pranohet në asnjë mënyrë. Ai ka paralajmëruar se asnjë qeveri që fillon me hajni nuk mund të përfundojë e suksesshme veçse me hajni dhe grabitje.
Sipas tij, këto mandate i takojn pjesës së sovranit dhe askujt tjetër.
"Kushdo që tenton të shtrembëroj këtë fakt ashtu siç ka provuar Serbia do të dështojë”, është shprehur Sherifi.
Ai u ka bërë thirrje VV-së që të heqin dorë nga grabitja e mandateve të Nismës.
"Si Nismë do të mbetemi të përkushtuar në mbrojtje të ligjit... Do të vazhdojë të besoj në organet e drejtësisë të punojnë pa presione”, ka shtuar ai.
Ky është fjalimi i plotë i Sherifit:
© SYRI.net