Zëvendëskryeministri njëherësh ministri i Punëve të Jashtme, Behgjet Pacolli, ka pritur në takim ministren e Punëve të Jashtme të Norvegjisë, Ine Eriksen Søreide.
Pacolli duke e falënderuar shtetin e Norvegjisë për bashkëpunimin dhe ndihmën e dhënë për shtetndërtimin e Kosovës tha se ky shtet luan rol të rëndësishëm në integrimin euroatlantik të Kosovës. Pacolli ka folur edhe për liberalizimin e vizave ku tha se Kosova i ka përmbushur 95 përqind të kritereve të kërkuara, por kjo çështje ka ngecur dhe ka kaluar nga aspekti teknik në atë politik.
Ministri i Punëve të Jashtme të Kosovës, shtoi se me homologen e tij norvegjeze kanë diskutuar edhe për dialogun me Serbinë, për çka kërkoi mbështetjen e këtij shteti.
"Kemi biseduar për dialogun me Serbinë , ky dialog nuk ka alternativë dhe vetëm në mënyrë të barabartë dhe sovrane ne mund t’i normalizojmë marrëdhëniet mes nesh. Nuk do ndalemi asnjëherë deri tek synimi për paqe lëvizje të lirë të njerëzve dhe mallrave", tha ai.
Kurse diplomatja norvegjeze teksa ka ofruar mbështetjen për integrimin euroatlanik të Kosovës tha se kjo kërkon kohë dhe bashkëpunim dhe koordinimin më të madh në mes partive në Kosovë.
Sipas saj gjatë takimit diskutuan për dialogun në mes Kosovës dhe Serbisë për çka tha se mirëpresin fuqizimin dhe bashkëpunimin rajonal.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
