Mustafa pak para zgjedhjeve të kryetarit të ri: Do të rikthehemi fuqishëm, keni për ta parë

Mustafa pak para zgjedhjeve të kryetarit të ri: Do të rikthehemi fuqishëm, keni për ta parë

11:49, 10/03/2021

Kryetari në dorëheqje i Lidhjes Demokratike të Kosovës (LDK), Isa Mustafa, ka thënë se LDK-ja do të rikthehet fuqishëm, pasi që sipas tij Kosova ka nevojë për një parti shtetformuese si LDK-ja.

Mustafa është deklaruar edhe rreth kandidaturave të deritanishme për kryetar të partisë.

Lidhur me kandidaturën zyrtare të Anton Qunit, Lumir Abdixhikut dhe Lutfi Hazirirt, Mustafa tha se është shumë e rëndësishme se kush do të zgjidhet në krye të partisë.

“Vlerësoj se është shumë e rëndësishme kush do të jetë në krye të LDK-së. Por mbi të gjitha është uniteti dhe fryma fundamentale e LDK-së, demokracia e brendshme dhe solidariteti partiak. Janë këto vlera që e dallojnë LDK-në nga partitë e tjera”, tha Mustafa

Më tutje, kryetari në dorëheqje i LDK’së tha se “asnjë frymë e as parti e konjukturave nuk e zëvendëson një parti shtetformuese, siç është LDK”

“Kosova ka nevojë për një parti shtetformuese, si LDK-ja. Prandaj LDK do të rikthehet fuqishëm. Asnjë frymë e as parti e konjukturave nuk e zëvendëson një parti shtetformuese, siç eshte LDK.  Popullizmi nuk mund të jetë substitut i shtetformimit”, tha Mustafa.

Kujtojmë se pas rezultatit të dobët të Lidhjes Demokratike të Kosovës në zgjedhjet e 14 shkurtit, Isa Mustafa dha dorëheqje nga posti i kryetarit të partisë. Deri sot, kandidaturat zyrtare për ta udhëhequr LDK-në janë: Anton Quni, Lumir Abdixhiku dhe Lutfi Haziri.

© SYRI.net

Lexo edhe:

Komentet

Shto koment

Denonco