Ahmeti: Nuk ka gjasa që Osmani të jetë bartëse e listës së Vetëvendosjes

21:56, 20/01/2021

Kryetari i Prishtinës, Shpend Ahmeti, ka thënë se nuk e sheh të mundur që Vjosa Osmani të jetë bartëse e listës së Lëvizjes Vetëvendosje.

Vjosa Osmani ka numrin dy në këtë listë, mirëpo me vendimin e ri të KGJK-së Albin Kurti, që është bartës i listës, nuk është certifikuar.

“Nuk ka gjasa që Vjosa të jetë bartëse e listës. Si e njoh unë VV-në, nuk ka gjasa. Kjo pasi bartësja e listës merr më së shumti vota dhe Osmani do të krijonte një legjitimitet për vete”, shtoi ai në t7.

Kurti në anën tjetër ka thënë se nuk ka marrë ende një vendim me shkrim nga KQZ dhe do të vazhdojë të jetë bartës i listës. Ndërkohë Yll Zekaj nga Instituti për Drejtësi ka thënë se VV mund të përdorë ende mjete institucionale që të kundërshtojë vendimin e KGJK’së.

Vendimi i fundit nga Gjykata Kushtetuese parasheh që kushdo që ka dënim për vepër penale në 3 vitet e fundit nuk mund të certifikohet në listat zgjedhore të partive politike.

© SYRI.net

Lexo edhe:

• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin
• Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”