“A është konstituuar Kuvendi i Kosovës me 120 deputetë, apo me 119 – meqë besoni se mandati i deputetit Arifi ishte vazhdimisht nul (i pavlefshëm)” – e ka pyetur gjyqtari, Blerim Sallahun e VV-së.
Por, përfaqësuesi i Vetëvendosjes pati vështirësi të përgjigjej në këtë pyetje që konteston mandatin e të gjithë deputetëve të Republikës së Kosovës.
Më herët, Sallahu deklaroi hapur edhe në mënyrë eksplicite se e konsideronte të pavlefshëm mandatin e deputetit Arifi që nga fillimi.
Një kontestim i tillë do të cenonte integritetin e formimit edhe të Qeverisë Kurti, e cila u votua në shkurt të këtij viti pikërisht nga deputetët e Kosovës së Legjislaturës së VII.
“Nuk mund të them që ka një mekanizëm që e vërteton pavlefshmërinë e mandatit të deputetit,” – deklaroi Sallahu më pas.
E njëjta pyetje iu bë edhe përfaqësuesit të kryetares së Kuvendit të Kosovës, Artan Muratit i cili pati përgjigje të ndryshme prej përfaqësuesit të Vetëvendosjes.
© SYRI.net