Berisha: Qeveria Hoti ishte zgjedhur në mënyrë të ligjshme

11:47, 02/12/2020

Besnik Berisha nga kabineti i kryeministrit, vazhdon të këmbëngul  se qeveria ishte zgjedhur në mënyrë të ligjshme dhe nuk ka arsye të merren me të.

Ai e ka vlerësuar votën e deputetit të ligjshme Sipas tij pretendimet e Vetëvendosjes e të tjerëve për votën e deputetit Arifit janë të paqëndrueshme.

“Ajo që nënkuptoj dhe e kam vështirësi të kuptoj, është nëse këta sot po sfidojnë aktgjykimin e Supremes që iu referua znj.Daka si praktikë të zbatuar nga KQZ-ja apo po sfidojnë zgjedhjen e Qeverisë Hoti. Këta iu kthyen ditës së certifikimit dhe nuk mund të kontestohet certifikimi i tij. Është e parëndësishme për mua se kur një vendim merr formën e prerë. Nëse Kuvendi është njoftuar në prill, janar apo nga mediat, është e parëndësishme. Nuk ka pasur dënim plotësues për Arifin”, tha Berisha.

Ai shtoi se Arifi, është deputet i certifikuar sipas ligjit në fuqi.

“Kemi një deputet të certifikuar sipas ligjit, nuk është vota e parë e tij kur është votuar qeveria Hoti. Dhe nuk është vota e parë e tij kur Kuvendi është njoftuar për vendimin kundër tij. Nuk është objekt gjykimi nëse Etem Arifi kishte apo s’kishte të drejtë. Kërkesa e thotë se Arifi e ka humbur mandatin e legjislaturës së shtatë, nga një aktvendim i marrë në legjislaturën e gjashtë. Nuk është Kuvendi ai që zëvendëson deputetin. Ju jeni interpretuesit e vetëm”. iu drejtua Kushtetueses Berisha, duke shtuar se “është e parëndësishme kur ka shkuar apo a do të shkojë në burg Arifi. Kushtetua i sanksionon të gjitha”.

 

© SYRI.net

Lexo edhe:

• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin
• Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”