Ish-kryetari i Odës Ekomonike në Kosovë, Safet Gërxhaliu foli në Euronews Albania për Projektligjin për Rimëkëmbjen Ekonomike. Ai theksoi se situata ekonomike në Kosovë është alarmante, por politikanët luftojnë vetëm për pushtet dhe nuk kuptojnë krizën.
“Është një situatë alarmante ku politika nuk e kupton krizën si krizë, ku lufta për pushtet është e pa-kompromis. Në këtë drejtim do të thotë nuk mund të arsyetohet për miratimin e një ligji për rimëkëmbjen. Nuk mund të ketë rimëkëmbje ekonomike të Kosovës me 206 mln të ndara që nga marsi i këtij viti. Një bllokadë e tillë e dëmton ekonominë e Kosovës dhe e dëmton atë edhe politikisht”, u shpreh Gërxhaliu.
Ai nënvizoi se ky projektligj do të miratohet së shpejti, por gjithsesi ka përjetuar një amortizim moral.
“Pengesë e tillë vjen nga deputet shqiptarë të partive të ndryshme, që dëshmon mjerimin me të cilin po ballafaqohet Kosova. Në këtë drejtim, besoj se këtë javë apo javën tjetër do të miratohet ky ligj i rimëkëmbjes. Duhet të kuptohet që ligji në fjalë ka përjetuar amortizim moral, është degraduar dhe është i vonuar”, theksoi ai më tej.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
