Petkoviq i lumtur për fitoren e Radojeviqit në Mitrovicë të Veriut: Me këtë fitoi politika e Serbisë në Kosovë

08:34, 30/11/2020

Drejtori i të ashtuquajturës Zyre Serbe për Kosovën, Petar Petkoviq ka uruar Millan Radojeviqin për rezultatet e djeshme në garën për Kryetar të Komunës së Mitrovicës dhe Listës Serbe për siç tha “një fitore tjetër bindëse të harmonisë dhe unitetit serb”.

“Jam i lumtur sepse me këtë fitoi politika e Republikës së Serbisë në Kosovë dhe edhe një herë mori mbështetje bindëse nga qytetarët”, raporton Tanjug.Lista Serbe me kandidatin Milan Radojeviq, ka fituar në Komunën e Mitrovicës së Veriut me 82.86 për qind të votave.

Sipas rezultateve preliminare të Komisionit Qendror të Zgjedhjeve, kandidati Erden Artiq nga Lëvizja Vetëvendosje ka marrë 3.68 për qind, Florent Azemi i PDK-së 3.54 për qind të votave dhe kandidati i pavarur Dushan Milionoviq 2.92 për qind të votave.

© SYRI.net

Lexo edhe:

• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin
• Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”