Deputeti shqiptar i Parlamentit të Malit të Zi nga koalicioni "Bashkë një zë" Fatmir Gjeka në një bisedë për "Syri.net", tha se nuk do të marrin pjesë në Qeverinë e re të Malit të Zi.
Sipas tij situata kësaj here është më e komplikuar tej mase dhe se shumica e cila pritet ta formoi qeverinë kanë krijuar huti tek qytetarët dhe kanë degjeneruar.
"Do të krijohet një qeveri e lodhur dhe e cila nuk jep asnjë shpresë për të funksionuar normalisht. Mali i Zi ka 80 deputetë dhe shumica ka vetë 41 me rreth 18 subjekte politike dhe paramendojeni sa e brisht do të jetë kjo qeveri", tha Gjekaj.
Kjo tregon më së miri sessa do të jetë funksionale qeveria e re.
Deputeti shqiptar tregoi se fare nuk kanë pranuar të bisedojnë rreth formimit të qeverisë, pos bisedave me subjektin e shqiptarit Dritanit të cilit ia kemi dhënë propozimin tonë se do të përkrahim subjektin e tij dhe atë personalisht pasi kanë pritoritet shtetin e pavarur të Kosovës, NATO-n e BE-në", tha Gjeka.
Ai tregoi se nuk janë të gatshëm të marrin pjesë në atë shumicë koalicioni apo dy e tretat ku janë subjekte proserbe e proruse.
"Nuk mund të marrin pjesë në një qeveri që shqiptarët i quajnë me emra fyes, ku Kosovën e quajnë shtet terrorist. Ata nuk i njohin masakrat në Kosovë, ato në Srebrenicë dhe i quajnë organizata terroriste e tjera", tha Fatmir Gjeka.
Deputeti shqiptar shtoi se lista tjera shqiptare po vazhdojnë negociatat me mandatarin, derisa lista pjesë e së cilës është Gjeka nuk ka zhvilluar takime e nuk janë ulur me mandatarin e qeverisë së re.
Ai beson se kanë vepruar mirë që sjanë pjesë e kësaj qeverie pasi janë duke ditur si po rrjedh ecuria e formimit të saj dhe kacafytjet e tyre.
Deputeti tha se kanë vijat e kuqe e të cilat nuk do ti shkelin në asnjë mënyrë. Ai tregoi se bashkohen tek gjuha shqipe, Kosova, NATO-ja e vlerat evropiane dhe jo jashtë këtyre parimeve.
"Nuk besoj se ndonjë shqiptar do të mendoj e veproj jashtë këtyre vlerave kombëtare. Secili merr përgjegjësitë e tija për veprimet e tyre politike", tha deputeti Gjeka.
Ai foli edhe për sektorin e turizmit në Ulqin dhe pasojat nga pandemia, derisa deri të mërkurën ishte drejtor i Organizatës Turistike të Ulqinit të cilën pozit ia lëshoi pasardhësit të tij Gëzim Hajdinaga.
Sipas tij situata është e rëndë si pasoj e pandemisë e cila ka prekur tejmase jo vetëm Ulqinin, por edhe Tuzin, Plavën, Gucinë e Rozhajën.
Ai tregoi se kanë pasur rënie mbi 90 përqind të turizmit dhe sferat tjera.
"E kemi përjetuar rëndë, por shpresojmë se verën tjetër të përfundoi pandemia dhe të rikthehen turistët e stërmbushet Ulqini", tha Gjekaj.
Ai tha se integrimi, përkatësisht punësimi i shqiptarëve në Malin e Zi lë shumë për të dëshiruar dhe lufta politike e tij është integrimi dhe punësimi në të gjitha institucionet në proporcion me numrin e popullësisë.
Ndërkaq Fatmir Gjeka nu ka la pa kritikuar as shtetin amë, ku tha se Tirana zyrtare po ashtu lë shumë për të dëshiruar, ku bënë edhe gabime edhe gjatë fushatës, ku kryeministri Rama e presidenti Thaç ishtin shpall qytetarë nderi të Komunës së Ulqinit nga unë, ndërsa kërkojnë mbështetje për të tjerët. Ishte një gabim i cili nuk do të përsëritet më.
Ai kërkon nga qeveria e re të realizoj projekte e punë në të mirë të qytetarëve.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
