Avdullah Hoti nuk gjen fjalë për ta komentuar skandalin e 2 milionëve

Avdullah Hoti nuk gjen fjalë për ta komentuar skandalin e 2 milionëve

10:34, 22/10/2020

Kryeministri i Kosovës, Avdullah Hoti është deklaruar për herë të parë pas skandalit të keqpërdorimit të 2 milionë eurove nga Thesari i Shtetit, duke thënë se mashtruesit dhe keqpërdoruesit nuk kanë vend në institucione.

Ai këto komente të shkurtra i bëri gjatë një konference për medie, duke shtuar se ata do të dalin në sipërfaqe sikurse minjtë.

 “Ministrja Bajrami është në krye të aktivitetit për t’u siguruar që organet e rendit janë duke bërë punën e vet. Mashtruesit dhe keqpërdoruesit brenda sistemit publik dhe në institucione nuk kanë me pasur vend, kanë me dalë në sipërfaqe së shpejti sikurse minjtë kur t’iu hyn uji përfundi”.

Ministrja e Financave, Hykmete Bajrami kishte sqaruar keqpërdorimin prej dy milionë eurove në Thesarin e Shtetit dhe janë transferuar te një operator ekonomik.

Sipas saj, janë kryer katër transaksione, ku është arrestuar dhe është suspenduar një zyrtar i ministrisë.

“Bëhet fjalë për katër transaksione të dyshimte nga Thesari i Shtetit dhe janë transferuar mbi 2.1 milionë euro janë bartur në një xhirollogari të një operatori ekonomik. Janë mbi dy zyrtarë të dyshuar, njëri është arrestuar, tjetri është suspenduar. Kemi gjurmuar të gjitha transakasionet dhe jemi duke hetuar ku është transaksioni fundor. Është rast i izoluar, mjetet dhe buxheti i Kosovës është stabil. Gjithçka po gjurmohet sepse është transakasion bankar e nuk janë tërhequr, të gjitha gjurmët janë në Bankën Qendrore të Kosovës”, kishte thënë Bajrami.

© SYRI.net

Lexo edhe:

Komentet

Shto koment

Denonco