Në marrëveshjen 4 shtatorit në SHBA, Kosova dhe Serbia ishin zotuar se do të ndalohet përdorimi i rrjetit 5G, i siguruar nga shitës jo të besueshëm.
E ky shitës jo i besueshëm është kompania Huawei nga Kina, që gjendet nën vëzhgimin e Shteteve të Bashkuara.
Uashingtoni po i nxitë aleatët e vet që të shmangin këtë kompani, pasi zyrtarët amerikanë besojnë se Qeveria Kineze mund të përdorë teknologjinë e saj për të spiunuar vendet perëndimore.
E këtë marrëveshje, po e zbaton Kosova, mirëpo, jo shteti serb.
Kryeministri i Kosovës, Avdullah Hoti, ka thënë se nuk do të ketë më përdorim të pajisjeve 5G që sigurohen nga shitës të pabesueshëm.
Kjo u bë e ditur pas një takimit që pati Hoti me përfaqësues të Autoritetit Rregullativ të Komunikimeve Elektronike dhe Postare (ARKEP).:
Kosova do të ndalojë përdorimin e pajisjeve 5G, të siguruara nga shitës të pabesueshëm, në rrjetet e tyre të komunikimit. Aty ku mund të ketë pajisje të tilla, institucionet përkatëse të vendit do të angazhohen për heqjen e tyre. Sot kam pritur në takim përfaqësues të Autoritetit Rregullativ të Komunikimeve Elektronike dhe Postare (ARKEP), si organi më kompetent në fushën e komunikimeve elektronike, me të cilët kemi biseduar për rolin e rëndësishëm që kanë në ruajtjen e sigurisë kombëtare, ruajtjen e rendit publik, ruajtjen e kufirit shtetëror, për funksionim të qëndrueshëm e të besueshëm përmes institucioneve përkatëse shtetërore dhe bashkërendimit të veprimeve ndër-institucionale, ka shkruar Hoti në Facebook.
Ndryshe, nga qeveria kosovare dhe ajo serbe, së fundmi e ka intensifikuar bashkëpunumin me kompaninë kineze të teknologjisë Huawei, përmes hapjes së Qendrës për Zhvillim dhe Inovacion në Beograd më 14 shtator.
Hapja e saj ndodhi dhjetë ditë pas nënshkrimit të marrëveshjes në Uashington, nga ana e presidentit të Serbisë, Aleksandar Vuçiq, në bazë të së cilës, ndalohet përdorimi i rrjetit 5G, i siguruar nga shitës jo të besueshëm.
Në tetor të të njëjtit vit, Departamenti Amerikan i Shtetit renditi në listën e zezë 28 agjenci të sigurisë qeveritare kineze dhe kompani teknologjike të specializuara në pajisjet e mbikëqyrjes, duke i akuzuar ato për pjesëmarrje në një fushatë të shtypjes dhe shkeljeve të të drejtave të njeriut, kryesisht ndaj pakicës myslimane ujgurë në Kinë.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
