Veseli: Fehmi e Xhevë Lladrovci u përjetësuan si monument krenarie e kujtese të lavdishme për kombin

14:28, 22/09/2020

Kryetari i PDK-së Kadri Veseli ka përkujtuar Fehmi dhe Xhevë Krasniqi-Lladrovcin në 22 vjetorin e rënies heroike të tyre.

Ai ka thënë se “ashtu siç ishin të pandashëm në jetë, në aktivitet dhe në luftën çlirimtare, u përjetësuan si monument krenarie e kujtese të lavdishme për kombin, duke dëshmuar për vlerën e lirisë tonë”.

Postimi i plotë i Kadri Veselit në Facebook:

Në përvjetorin e 22-të, me nderim e kujtojmë Fehmi e Xhevë Krasniqi-Lladrovci, për veprën e tyre jetësore dhe heroizmin e rrallë të gërshetuar me idealet më të pastra atdhetare.

Ashtu siç ishin të pandashëm në jetë, në aktivitet dhe në luftën çlirimtare, u përjetësuan si monument krenarie e kujtese të lavdishme për kombin, duke dëshmuar për vlerën e lirisë tonë.

Në rrugën e lavdisë, me Fehën e Xhevën, atë ditë, në altarin e lirisë ranë edhe Fatime Hetemi dhe Shefqet Zeka.

Nderim i përjetshëm për heronjtë, dëshmorët dhe martirët e lirisë!

© SYRI.net

Lexo edhe:

• Tetë mjekë dhe dy profesorë s’e kanë deklaruar fare pasurinë, ja lista ​
• ​Interpoli lëshon fletarrest për Milan Radojçiqin
• Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”