Ministrja e Punëve të Jashtme, Meliza Haradinaj-Stublla tregoi se u takua me Robert Greenway nga delegacioni amerikan që erdhi në Kosovë, me të cilin bisedoi për marrëveshjen e Washingtonit dhe implementimin e saj.
Haradinaj tha se u fol për formalizimin e njohjes me Izraelin dhe rreshtimin e Kosovës kundër terrorizmit, raporton Gazeta Blic.Ajo shtoi se Kosova është e përkushtuar në implementimin e të gjitha pikave të marrëveshjes.
Ky është postimi i saj i plotë:
Në kuadër të vizitës së delegacionit të lartë amerikan, udhëhequr nga i Deleguari Presidencial për Dialogun Kosovë-Serbi, Richard Grenell – kisha kënaqësinë ta takoj në një takim ndaras bilateral z.Robert Greenway, Zëvendës-Asistent i Presidentit dhe Drejtor i Lartë për Çështje të Lindjes së Mesme dhe Afrikës Veriore nga Këshilli Kombëtar i Sigurisë së SHBA-ve, me të cilin biseduam për marrëveshjen historike të arritur në Uashington me 4 shtator, dhe rrugën përpara për implementimin e saj.Diskutuam në veçanti pikat e marrëveshjes që bien në përgjegjësinë direkte të fushëveprimit të MPJD-së, specifikisht formalizimin e njohjes së ndërsjellë me Izraelin, dhe në rreshtimin e Kosovës në luftën e pakompromis kundër terrorizmit.
E njoftova z.Greenway se Republika e Kosovës është e përkushtuar në implementimin e të gjitha pikave të marrëveshjes dhe se e çmon pafundësisht përkushtimin e lartë të SHBA-ve për vënien në jetë të zotimeve të dhëna në këtë marrëveshje që ka hapur rrugën e prosperitetit ekonomik e ndërkombëtar të Republikës së Kosovës.Zoti e bekoftë Amerikën ????????
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
