Për president të Kosovës ka dal edhe një tjetër kandidat, e ai është kreu i AKR-së, Behgjet Pacolli, shkruan Syri.net Kosova.
Këtë e ka bërë të ditur, Fatmir Matoshi zyrtar i kësaj partie përmes një postimi në Facebook.
Ai ka thënë se Behgjet Pacolli është Presidenti që i duhet Kosovës.
"Marsi i vitit që vjen është koha kur Kosova duhet ta zgjedh Presidentin e ri. Tanimë kanë filluar edhe të shfaqen ambiciet e para dhe të përmenden kandidatët e mundshëm për pozitën e të parit të shtetit. Kosova tani ka nevojë për bashkim e unitet të plotë. Behgjet Pacolli padyshim do të ishte presidenti më i mirë për Kosovën. Ai i ka miqët dhe njohjet më të mira në botë, është treguar unifikues i skenës politike gjatë gjithë karrierës së tij, ka një potencial intelektual e material për ti dhënë krah zhvillinit ekonomik në vend, është treguar bashkëpunues me të gjithë, është kosovari më humanist dhe ka ndihmuar me dhjetëra miliona euro në shëndetësi, shkolla e mirëqenie të familjeve kosovare", ka shkruar ai.
Sipas tij një ndryshim kushtetues do ta bënte të mundur zgjedhjen e Presidentit me votë të drejtpërdrejtë nga populli, nëse kjo ndodh Behgjet Pacolli padyshim do të zgjidhej President i Kosovës.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
