Kryetarja e Kuvendit të Kosovës, Vjosa Osmani, ka lëshuar akuza të reja ndaj qeverisë së vendit, e cila udhëhiqet nga kolegu i saj partiak, Avdullah Hoti, shkruan Syri.net Kosova.
Osmani, ish-nënkryetare e Lidhjes Demokratike të Kosovës, ka thënë se teksa në vend është regjistruar viktima e 300-të nga koronavirusi, qeveria Hoti e ka parë më me prioritet t’i realizojë pagesat për avokatët e Gjykatës Speciale.
“Përkundër trendit alarmant, qeveria refuzoi trajtimin e ligjit anti-covid duke e konsideruar të panevojshëm, refuzoi buxhet për maska mbrojtëse dhe vaksina, ankohet se nuk ka mjaftueshëm shtretër përderisa prioritizon investime jo të domosdoshme infrastrukturore apo pagesa për fatura për avokatët e Gjykatës Speciale”, ka shkruar, ndër të tjera, Osmani në Facebook.
Postimi i plotë:
Sot u shënua shifra e dhimbshme prej 300 jetësh të humbura; 300 ëndrra njerëzish u fikën në betejën kundër COVID-19....
Posted by Vjosa R. Osmani on Thursday, August 6, 2020
© SYRI.net