Vazhdimi i dialogut në Bruksel mes kryeministrit të Kosovës, Avdullah Hoti dhe presidentit të Serbisë, Aleksander Vuçiq, është paraparë të fillojë nesër nga ora 16:00, është bërë e ditur nga Bashkimi Evropian.
Si bëhet e ditur nëpërmjet një njoftimi, nikoqir i takimit të presidentit të Serbisë, Aleksander Vuçiq dhe kryeministrit të Kosovës, Avdullah Hoti, do të jetë Përfaqësuesi i Lartë i Bashkimit Evropian për Marrëdhënie me Jashtë dhe Politikë të Sigurisë, Josep Borrell, i shoqëruar nga Përfaqësuesi special i BE-së për dialogun dhe çështjet tjera të Ballkanit Perëndimor, Miroslav Lajçak.
“Pas rikthimit virtual të dialogut Beograd – Prishtinë të ndihmuar nga Bashkimi Evropian, të dielën më 12 korrik, një takim i dytë i nivelit të lartë do të mbahet në Bruksel të enjten më 16 korrik. Nikoqir i takimit me prani fizike të presidentit të Serbisë, Aleksandar Vuçiq dhe kryeministrit të Kosovës, Avdullah Hoti, do të jetë Përfaqësuesi i Lartë i Bashkimit Evropian për Marrëdhënie me Jashtë dhe Politikë të Sigurisë, Josep Borrell, i shoqëruar nga Përfaqësuesi special i BE-së për dialogun dhe çështjet tjera të Ballkanit Perëndimor, Miroslav Lajçak. Dialogu është paraparë të fillojë në orën 16:00″, thuhet në njoftim.
Para takimit përfaqësuesi i lartë do të japë një deklaratë për media kurse përfaqësuesi special i BE-së, Lajçak, në fund të takimit.
“Për shkak të kufizimeve të lidhura me coronavirus, nuk do të ketë qasje të mediave në ndërtesën e EEAS-së”, thuhet në njoftim.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
