Duke parë se institucionet, konkretisht Kuvendi i Kosovës, nuk po mundet të ketë kourum apo vota të mjaftueshme për miratimin e shumë vendimeve, marrëveshjeve e çështjeve tjera, po flitet mundësia që edhe PDK-ja të bëhet pjesë e Qeverisë së Kosovës.
Njohësit e rrethanave politike kanë vlerësime të ndryshme rreth përfshirjes edhe të PDK-së dhe kushtet apo postet qeveritare e të tjera të kërkuara nga kjo e fundit.
Derisa zyrtarët e LDK-së të cilët edhe udhëheqin me Qeverinë e Kosovës dhe ata nga PDK-ja, i cili subjekt që nga përfundimi i zgjedhjeve ka premtuar se do të mbetet opozitë vazhdojnë të mos flasin rreth mundësisë së përfshirjes në qeveri.
Zyrtarë të PDK-së ashtu edhe ata të LDK-së nuk kanë folur për "Syri.net" rreth mundësisë së përfshirjes së PDK-së në Qeverinë me disa subjekte politike.
Njohësi i zhvillimeve politike në vend Blerim Burjani, tha për "Syri.net", se deri më tash nuk ka sinjale se PDK-ja do të jetë pjesë e qeverisë, pas ngjarjes me Gjykatën Speciale është totalisht e pa qartë situata.
Ai shtoi se a do të pranoj ky subjekt politik të bëhet pjesë e qeverisë gjasat janë të vogëla shumë apo kurrfare që PDK-ja për momentin e tashëm se do të bëhet pjesë e qeverisë. PDK-ja, ka gjasa të inkorporohej në koalicionin qeveritar.
Ndërsa njohësi Riza Smaka, tha për "Syri.net", se PDK-ja, ka gjasa të inkorporohej në koalicionin qeveritar.
Sipas tij nëse do të inkuadrohej mund të pritej që PDK-ja të kërkojë madje të fitojë ministri pak ca më relevante dhe me peshë.
Shantazhimet gjatë arritjes së koalicionit qeveritar në vendin tonë e veçanërisht në këtë aktualitet janë të paevitueshme, aq më parë kur Qeveria aktuale është e lodhtë, e formuar në rrethana problematike kushtetutare, madje me dy vota invalidore si dhe e mbështetur me minimumin e mandateve parlamentare.
Ai shtoi se Ministria e Drejtësisë, ajo e Punëve të Brendshme, Ekonomisë, Infrastrukturës, secila sosh është pak ca më atraktive për secilin subjekt politik e tjera parlamentar.
"Pra edhe për PDK-në nëse do të inkuadrohej në koalicionin qeveritar dhe atë kryesisht për hir të investimeve më të shprehura e për aq për hir të tenderave në venin tonë "frytdhënës" për transaksione jo rrallë herë korruptive", tha Riza Smaka.
Nënrkyetari i LDK-së Lutfi Haziri, tha për "Syri.net" tha se për përfshirjen e PDK-së në qeveri dhe kushtet e postet e ndara vendosin kryetari i LDK-së Isa Mustafa e ai i PDK-së Kadri Veseli.
"Syri.net" ka kërkuar përgjigje nga jo pak zyrtarë të lartë të LDK-së e PDK-së rreth kësaj çështjeje, por nuk janë përgjigjur.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
