Avdullah Hoti në zgjedhjet e gjashtë tetorit kishte fituar 26 mijë e 94 vota.
Në mëngjes u nisë në këmbë drejt Kuvendit të Kosovës.
Atje po mblidheshin deputetët për të votuar formimin e qeverisë së re, të cilës do t’i prinë vet Avdullah Hoti.
E kjo nuk ishte hera e parë që kishte marrë rrugë drejt pozitës më të lartë të ekzekutivit; atë të kryeministrit.
Ishte viti 2017 kur Hoti si mandatar i koalicionit LDK-AKR-Alternativa mori 115 mijë e 658 vota, kësisoj atëbotë nuk arriti të sigurojë këtë pozitë përmes votave të qytetarëve.
Por karriera e tij politike nuk kufizohet vetëm me emërimin e tij si kryeministër.
44 vjeçari i lindur në Ratkoc të Rahovecit kishte studiuar menaxhment dhe informatikë në Universitetin e Prishtinës, ndërsa studimet e magjistraturës dhe doktoratës i ka përfunduar në Britani të Madhe.
Hoti vazhdon të jetë profesor në Fakultetin Ekonomik të Universitetit të Prishtinës.
Tashmë kryeministri i Kosovës, ka provuar disa pozita nëpër institucione.
Fillimisht punoi si këshilltar në Ministrinë e Arsimit, nga viti 2006 deri në vitin 2007.
Nga janari i vitit 2010 deri në vitin 2013 Hoti ishte nënkryetar i Komunës së Prishtinës.
Ishte viti 2014 kur Avdullah Hoti mori votat për deputet. E pas kësaj nga viti 2014-2017, ka shërbyer si Ministër i Financave.
Në zgjedhjet e gjashtë tetorit, Avdullah Hoti mori përkrahje për deputet.
Ai fitoi 26 mijë e 94 vota, duke u renditur si njeriu i pestë më i votuar brenda Lidhjes Demokratike të Kosovës.
Më shumë se ai u votuan Vjosa Osmani, Anton Quni, Kujtim Shala e Lumir Abdixhiku.
Si pjesë e qeverisë Kurti, Hoti kishte pozitën e zëvendëskryeministrit, pozitë të cilën e mbajti deri në momentin kur u shkarkua nga Albin Kurti.
E rrugën që e bëri paradite në mëngjes në këmbë, pasditen e së mërkurës Hoti e kaloi me veturën e të parit të qeverisë, e me mbrojtje të afërt.
Krejt kjo pasi që ai u votua si kryeministër i Kosovës.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
