Largohen Selmanaj, Zemaj e Abrashi – mësohen emrat e deputetëve të rinj të LDK-së

Largohen Selmanaj, Zemaj e Abrashi – mësohen emrat e deputetëve të rinj të LDK-së

21:29, 02/06/2020

Kryesia e Lidhjes Demokratike të Kosovës sot ka mbajtur një mbledhje, derisa pas përfundimit të saj kryetari Isa Mustafa dhe mandatari për kryeministër, Avdullah Hoti, prezantuan emrat e ministrave të LDK-së.

Agim Veliu, Ministër i Punëve të Brendshme dhe Administratë Publike, Hikmete Bajrami, Ministre e Financave, Arban Abrashi, Ministër i Infrastrukturës, Anton Quni, Ministër i Mbrojtjes, Armend Zemaj, Ministër i Shëndetësisë, Besian Mustafa, Ministër i Bujqësisë, Vlora Dumoshi, Ministre e Kulturës, janë emrat e propozuar nga LDK-ja për ministra.

Ndërsa, zëvëndëskryeministër do të jetë Driton Selmanaj.

Sipas kësaj liste, del që tre deputetët Armend Zemaj, Arban Abrashi e Driton Selmanaj, do ta lëshojnë karrigen e tyre në Kuvend.

E, në vend të tyre, do të vijnë tre deputetë të tjerë, të cilët sipas numrit të votave në zgjedhjet e 6 tetorit, pasojnë në listë.

Këta janë: Visar Hoti, Ismet Beqiri dhe Faton Bislimi.

Nesër në orën 11:00 do të nisë seanca e Kuvendit të Republikës së Kosovës për votimin e qeverisë Hoti.

© SYRI.net

Lexo edhe:

Komentet

Shto koment

Denonco