Arun Chaudhary, njëri prej personave që ndihmoi shumë liderin e Lëvizjes “Vetëvendosje”, Albin Kurti gjatë fushatës së fundit, ka reaguar pas vendimit të Gjykatës Kushtetuese që i dha të drejtë dekretit të presidentit, Hashim Thaçi.
Sipas tij, Administrata e ShBA-ve është duke e tradhtuar popullin e Kosovës me mbështetjen që i ka dhënë vendimit të mbrëmshëm Gjykatës Kushtetuese.
Përmes një reagimi në Twitter-it ndaj Ambasadës së ShBA-ve në Kosovë, amerikano-hebreu me origjinë indiane nuk është pajtuar me qëndrimin e ShBA-ve që thërret për respektim të vendimit që i jep të drejt dekretit të Presidentit Hashim Thaçi për mandatarin.
“Ju po e tradhtoni popullin e Kosovës, një nga aleatët më të palëkundur të Kosovës dhe po e dëmtoni sigurinë e dy kombeve tona. Njëjtë sikurse shefi juaj, por me një gramatikë më të mirë”, ka shkruar Chaudhary, në një reagim ndaj deklarimit të Ambasadës së ShBA-ve.
Vlen të theksohet se Arun Chaudhary ishte një nga strategët e Kurtit në video-komunikimet me qytetarët e Kosovës gjatë fushatës.
Chaudhary, i cili ishte drejtori i New Media Road në fushatën presidenciale të Barak Obamës në vitin 2008, së fundmi ishte i përfshirë në fushatë në kampin e Bernie Sanders, ish-kandidat për president të SHBA-së.
Arun Chaudhary, hebreo-amerikani me origjinë indiane, i cili punoi për fushatën e ish-presidentit amerikan, Barak Obama, dhe ishte videografisti zyrtar i videomesazheve të Shtëpisë së Bardhë (2009-2011), ishte një nga njerëzit që ndihmoi Lëvizjen Vetëvendosje në zgjedhjet e fundit në Kosovë, e që rezultoi me fitoren e Vetëvendosje dhe zgjedhjen e Albin Kurtit në krye të qeverisë.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
