Në zgjedhjet e 6 tetorit, PSD-ja garoi në koalicion me Aleancën për Ardhmërinë e Kosovës, por asnjë nga kandidatët e kësaj partie nuk arriti të marrë votat e mjaftushme për të fituar ulëse në Kuvendin e Kosovës.
Pavarësishtë kësaj, me nisjen e bisedimeve për të formuar qeverinë e re pas mocionit që rrëzoi Albin Kurtin, kishte zëra që PSD-ja mund të marrë një ministri si pjesë e koalicionit me AAK-në në qeverinë “Hoti”.
PSD sot ka konfirmuar se nuk janë të interesuar të bëhen pjesë e qeverisë në rast se atyre ju ofrohet mundësia për ta udhëhequr ndonjë nga dikasterët e qeverisë që pritet të formohet së shpejti.
Zëdhënësja e Partisë Socialdemokrate, Natyra Kuçi, ka thënë për media se partia e saj nuk do të përfshihet në qeveri edhe nëse i ofrohet ndonjë ministri apo çfardo posti tjetër.
"PSD ka diskutuar dhe është qendrim i partisë që ne nuk bëhemi pjesë e qeverisë së re, edhe nëse na ofrohet ministri apo poste tjera, nuk jemi të gatshëm të përfshihemi në qeverinë e re”, ka thënë Kuçi
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
