Ish-kryeministri i Kosovës, Ramush Haradinaj, thotë se sllovaku Miroslav Lajçak, i cili sot është emëruar zyrtarisht si emisar i BE-së për dialogun Kosovë-Serbi, do të jetë vetëm një pengesë në rrugën drejt arritjes së asaj qe ai e ka quajtur ‘Finalja e Madhe’.
Sipas Haradinajt, Lajçak vetëm do të shkaktojë vonesa duke qenë se sipas tij tashmë dialogun e kanë marrë në dorë Shtetet e Bashkuara të Amerikës.
"Këshilli i BE-së sapo bëri publik emërimin e Lajçak si Përfaqësues Special për dialogun Kosovë-Serbi. Në fazën e finales së madhe dhe nën rolin udhëheqës të SHBA-së, BE-ja është duke e ngadalësuar procesin”, ka shkruar kreu i AAK-së.
Vetë Lajçak pas marrjes së detyrës ka thënë se mezi po pret që të fillojë punën dhe bashkëpunimin me përfaqësues të Kosovës e Serbisë, ndërkohë ka specifikuar se do të bashkëpunojë ngushtë edhe me Shtetet e Bashkuara të Amerikës.
Mbështetje Lajçakut i ka dhënë Franca, duke i thënë se për cështjen e ndërmjetësimit të negociatave mund të llogaris në mbështetjen e Parisit zyrtar.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
