Koalicioni LVV - LDK e krijoi një shpresë se vendi do te mund të merrte një drejtim serioz në luftimin e korrupsionit dhe përmirësimit të qeverisjes, tha analisti Lulzim Peci.
Mirëpo sipas tij, që nga negociatat për koalicion të dyja partitë u karakterizuan me shumë nga luftërat në mes vete për pushtet dhe kontroll politik, që është legjitime, se sa nga puna ekipore dhe lidershipi në qeverisjen e vendit, e cila është e domosdoshme për të arritur sukses.
"Kjo luftë per kontroll politik nuk ishte i kufizuar vetëm në mes liderëve politik të LVV-së dhe LDK-së, por ajo e kishte njëkohesisht shumë të theksuar edhe dimensionin e kontrollit brenda partiak", tha Peci.
Spas tij LDK-ja mbajti zgjedhje sa për sy e faqe, duke u munduar të bëjë kontroll të divergjencave të brendshme, gjë që si pasojë pati kontinuitetin ne lidershipin e partisë (Isa Mustafa) dhe rrjedhimisht edhe mbajtjen në duar të fuqisë vendim-marrëse brenda partisë, ndërsa LVV e ndërroi statutin për t’ia mundësuar të nominuarit për kryeminister (Albin Kurtit) që njëkohësisht të jetë edhe kryetar i partisë edhe pasi që të bëhet kryeministër, për të mos i ikur nga dora mbajtja në e plotë e penjëve të vendim-marrjes partiake.
Ai shtoi se kjo mendësi është bartur edhe në qeverisje dhe ajo nëse nuk do ta sillte tani fundin e këtij koalicioni, do ta sillte pas disa muajve apo nje viti.
"Nuk duhet harruar edhe faktin që asnjë qeveri në Kosovë nuk e përfundoi mandatin e saj dhe kjo nuk është ngjarje e rastësishme. Qëllimet e qeverisjes me siguri se kanë qenë të ndryshme, por mënyra e bërjes së politikës ka mbetur në parametra jo fortë të ndryshëm me njëra tjetrën", tja Lulzim Peci.
Sipas tij asnjë udheheqes, kushedi cofte ai nuk mund te arrije sukseset e enderruara, nese nuk e kultivon punen ekipore dhe lidershipin. Politika ka shume nderkambeza, por lideret e mencur i neutralizojne ato dhe i bejne edhe rivalet e tyre te ju jepin perkrahje.
Per me teper, per shtete te vogla cfare jemi ne, mos leximi i duhur i marredhenieve nderkombetare mund te kushtoj shume. Kjo nuk do te thote se duhet te behemi “yes men”, por duhet t’i realizojme interesat e tona me perplasje sa me te vogela dhe perkrahje sa me te madhe me aleatet tone.
Rezultat i asaj ku jemi sot, ne baze te mendimit tim, eshte pasoje i arsyeve te lartepermendura. Shpresoj se do te nxjerret mesim nga krejte kjo ne cfare jemi duke kaluar.
Fatkeqesisht qe mendesia dhe shoqeria nuk zhvillohen me shpejtesine e zhvillimit te teknologjise.
Me dashuri ne kohen e korona virusit.
© SYRI.net
Tetë mjekë dhe dy profesorë s’e kanë deklaruar fare pasurinë, ja lista 
Interpoli lëshon fletarrest për Milan Radojçiqin
Dedaj merret në pyetje nga mbrojtja për një konferencë ku ai thotë se “UÇK-ja ishte në mbrojtje të pragut të shtëpisë”
Denonco
Merrni lajmet më të fundit nga SYRI.net në çdo moment dhe kudo që të jeni!
