Si duhet të ndiqet, hetohet, arrestohet dhe gjykohet Milan Radojçiq?

Hapi I

Duke u bazuar në njoftimin zyrtar përmes deklarimeve publike të  Ministrit të Brendshëm të Kosovës, Xhelal Sfeçla, se në grupin diversiv kriminal ka marr pjesë edhe nënkrytari i Listës Serbe, Milan Radojçiq me datën 24.09.2023, Policia e Kosovës duhet të mbledhë provat materiale dhe të ushtroj kallëzim penal në Prokurorinë Speciale të Kosovës edhe kundër Milan Randojçiq si anëtarë pjesmarrës bashkëkryes i veprave penale nga neni 126 i Kodit Penal te Republikës së Kosovës.

Hapi II

Prokuroria Speciale e Kosovës detyrohet të nxjerr aktvendim për fillimin e hetimeve ndaj Randojçiq nën dyshimin e bazuar mirë se ka qenë pjesëmarrës i grupit diversiv në Manastirin e Banjskës me 24 shtator 2023.

Hapi III

Prokuroria Speciale e Kosovës të lëshoi urdhërarrest ashtu që kudo që haset në territorin e Kosovës, Milan Radojçiq të arrestohet dhe të sjellet në gjykatë brenda 48 orësh për të kërkuar caktimin e masës së paraburgimit.

Hapi IV

Nëse ekzistojnë rrethanat faktike se nuk mund të arrihet prania fizike në procedurë penale e Milan Radojçiq i njejti konform dispozitave të KPPRK-së të gjykohet në mungesë.

Prandaj nuk duhen shumë debate sepse ministri Sfeçla edhe vet detyrohet të ushtroi kallëzim penal nga funksioni publik ndaj Milan Radojçiq.

Në fund moralisht, LVV-ja duhet ta shkarkoj Mimoza Kusarin-Lila nga pozita e shefes së GP-së së LVV-së për komunikimet me Milan Radojçiq.

(Xhevdet Smakiqi është avokat i cili ushtron funksionin në Republikën e Kosovës)

© SYRI.net

Lexo edhe

• Qeveria gjermane ka vendos të rrisë tatimin në fushë e gastronomisë nga 7% në 19%, këto do të jenë pasojat
• Fundi i Liburnizmit
• Stano flet me logjikën e Mynihut të fundgushtit të vitit 1939