Në një vend demokratik, qoftë edhe me demokraci shumë të brishtë, zgjedhjet kanë disa funksione:
i) testimin e grupimeve politike, thënë më shkoqur cili përfaqëson maxhorancën dhe cili opozitën,
ii) përballjen e ekipeve qeverisëse;
iii) krijimin e mundësisë për rrotacion, pra alternim të pushtetit...
Këto funksione të zgjedhjeve realizohen kur zgjedhjet janë të lira e të ndershme, ose minimalisht të pranueshme... Këto funksione vihen në dyshim kur maxhoranca në pushtet manipulon zgjedhjet...
Në përgjithësi, zgjedhjet manipulohen, pra nuk janë të lira e të ndershme apo ‘in ekstremis’ as minimalisht të pranueshme, kur maxhoranca gjatë katër viteve (apo më shumë) të qeverisjes së saj ka kapur shtetin ose thënë ndryshe ka ngritur një regjim jo demokratik, për të mos thënë autoritar, oligarkik, të korruptuar, kriminal...që tenton të ndryshojë vullnetin e qytetarëve duke futur duart në zgjedhje, pra duke i manipuluar...
Ky është rasti i zgjedhjeve të 25 prillit 2021 në Shqipëri...
Edi Rama është drejtuesi i një maxhorance të (vetë) cilësuar Rilindje, por që në realitet përfaqëson një regjim autoritar, të korruptuar deri oligarkik, të lidhur fuqimisht me krimin e trafiqet...deri edhe me mafian ndërkombëtare...Një regjim autoritar dhe i korruptuar që ka shitur e vazhdon të shesë interesat kombëtare deri në tradhti për të mos lejuar rrotacionin politik...
Një regjim i rrezikshëm që duke I varfëruar qëllimisht qytetarët e tij,iu ka dhënë dy mundësi ose të nënshtrohen ose të emigrojnë...Varfërimi është jo vetëm ekonomik, por qytetarët nuk kanë mundësi të arsimohen, të marrin shërbim shëndetësor apo të sigurojnë një mbrojtje sociale minimale sa për të mbajtur frymën...
Praktikisht qytetarët në masën rreth 80 për qind janë të pa shpresë, dhe kërkojnë me çdo mënyrë të realizojnë dëshirën e tyre duke ndryshuar gjendjen... Por një pjesë të madhe kjo ju duket e vështirë deri e pamundur sepse regjimi autoritar ua pengon me të gjitha mënyrat realizimin e dëshirës së tyre...
Duket se në këto rrethana mbetet vetëm një mundësi, që këtë dëshirë të mbi 80 për qind të qytetarëve ta drejtojë një Bashkim i Madh i të gjithë atyre që janë qartësisht e pa asnjë mëdyshje në opozitë me regjimin autoritar, të korruptuar, oligarkik, kriminal... thënë ndryshe më Edi Ramën dhe kupolën e tij që drejtojnë këtë regjim...
Një bashkim i madh i të gjithëve përveç Edi Ramës dhe kundër Edi Ramës dhe sektit që ai drejton!
Si realizohet ky bashkim i madh dhe a është e mundur të realizohet ky bashkim?
Kjo është pyetja që shtrohet dhe dilema e disave që janë qartas kundër regjimit të ngritur nga Edi Rama apo nuk e durojnë më atë, por që ose s’kanë shumë besim se ky bashkim mund të realizohet ose japin ‘argumente’ të shumtë që opozita aktuale politike, kështu siç po vepron, s’mund ta realizojë këtë bashkim të madh...
Këto ‘argumente’ qoftë edhe të arsyeshëm i nxit e amplifikon edhe propaganda diversioniste e Edi Ramës që përmes shumë metodave e mënyrave makiavelike tenton të pengojë realizimin e Bashkimit të Madh sepse e di shumë mirë se Bashkimi i Madh do të ‘thërmim i regjimit të tij’...
Duhet urgjentisht menduar si të kthehet në realitet Bashkimi i Madh...
Ky Bashkim është i mundshëm vetëm nëse Zgjedhjet e 25 prillit: a) nuk trajtohen thjesht e vetëm si zgjedhje te zakonshme... b) nuk trajtohen ashtu siç ndodh në një vend demokratik, pra për të për të zëvendësuar një ekip me një ekip tjetër të qeverisjes së vendit, c) nuk trajtohen thjesht dhe vetëm si një rrotacion i pushtetit...d) por trajtohen si përmbysje e madhe e së KEQES që në terma konkrete lidhet me zullumet dhe prapësitë e regjimit të rrezikshëm, autoritar, të korruptuar, të inkriminuar dhe tradhtar të Edi Ramës...
Beteja e vërtetë e BASHKIMIT të MADH në zgjedhjet e 25 prillit do të duhet të shkaktojë/ realizojë/ sigurojë përmbysjen e së keqes që është regjimi i Edi Ramës... Përndryshe e keqja do të vazhdojë të të rritet për tu bërë e pamundur edhe për tu përmbysur!
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
