Dyshimet janë se Ismaili është arrestuar pasi ka lejuar të shfaqet një film i metrazhit të shkurtër në këtë Komunë, film ky që mbështetej nga Qeveria e Kosovës.
Sipas Lutfiut, ky arrestim dëshmon se Serbia nuk e dëshiron paqen dhe të ardhmen në Ballkan.
“Skenaret me presione të tilla ndaj institucioneve dhe ndaj shqiptarëve janë të papranueshme dhe ftojmë të gjithë faktorët kombëtarë e ndërkombëtar që të dënojnë këtë veprim të policisë serbe sidomos ndaj rasteve të tilla e sidomos ndaj rastit të sotshëm” ka thënë mes të tjerash Lutfiu.
Ky është reagimi i plotë i tij:
Sot policia serbe me urdhër të prokurorit kanë marrë në shtëpinë e tij në Nesalcë drejtorin e Shtëpisë së Kulturës Jetmir Ismailin. Ai për momentin është duke u mbajtur në stacionin policor në Bujanoc.
Sipas familjarëve, ai është marrë në stacionin policor për tu intervistuar rreth shfaqjes së një filmi të metrazhit të shkurtër, i cili është mbështetur nga Qeveria e Kosovës nëpërmjet Këshillit Kombëtar Shqiptarë e që drejtori i Shtëpisë së Kulturës në Bujanoc i ka dhënë leje që të bëhet promovimi i tij nesër po në Shtëpinë e Kulturës në Bujanoc.
Ky presion dhe këto metoda ndaj shqiptarëve po dëshmojnë se Serbia nuk e dëshiron paqen dhe të ardhmen në Ballkan. Skenaret me presione të tilla ndaj institucioneve dhe ndaj shqiptarëve janë të papranueshme dhe ftojmë të gjithë faktorët kombëtarë e ndërkombëtar që të dënojnë këtë veprim të policisë serbe sidomos ndaj rasteve të tilla e sidomos ndaj rastit të sotshëm.
© SYRI.net
Gërvalla: Vota prej 82% në KiE, konfirmim i fuqishëm për Kosovën
Murati: Kuvendi nuk po i ratifikon marrëveshjet që do të përfitonim 300 milionë euro
Vitia: Numri i operacioneve është rritur në mbi 1400, klinika nuk është në kolaps
Denonco
Merrni lajmet më të fundit nga SYRI.net në çdo moment dhe kudo që të jeni!
