Kryetari i Lidhjes Demokratike të Kosovës (LDK), Lumir Abdixhiku, ka komentuar koalicionin të VV-së, AAK-së dhe Nismas në Komunën e Prishtinës.
Në Kuvendin Komunal të Prishtinës sot u shkarkuan anëtarët aksionarë të Ndërmarrjeve Publike Lokale të Prishtinës, pasi këto parti e morën kryesuesin.
Por Abdixhiku në Pressing të T7, ka thënë se ishte një sekser që i ka bashkuar këto parti.
”Për me kuptu qytetarët e Prishtinës, këta që na moralizojnë për pastërti, sot ka ndodhur njëra prej marrëveshjeve më e jodinjitetshme që ka ndodhur. Punë pazarësh si i kishin nda. Dikush e merr Termokosin, dikush parkingun, dikush pastrimin – kishin nda baza partiake”, ka thënë Abdixhiku.
Ai ka thënë që i ka dyshimet e tij, duke aluduar te AAK-ja pa ia përmendur emrin, që në një anë duan mocion për ta rrëzuar Albinin Kurtin, e në anën tjetër në Prishtinë lidhin koalicion.
“Pastaj më vijnë dyshimet për mocion, këndej mocion e pastaj koalicion, për çfarë për ta penguar punën e një kryetari të zgjedhur në një shumice të zgjedhur në Prishtinë. Gjasat e tyre nuk do të funksionojnë, sepse vendimet janë të kryetarit”, ka thënë Abdixhiku.
Kryetari i LDK-së tha se që është i kënaqur që partia e tij “nuk ka rënë në një shantazh të tillë”.
© SYRI.net
BDI nis festën në Shkup, Grubi: Fitoi UÇK-ja e Ali Ahmeti
Hovenier e quan produktiv takimin mes O’Brein dhe Kurtit ku u bisedua për Asociacionin
Rrugëtimi evropian, Bislimi: Statusi kandidat e hyrja në KiE, objektiva të Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
