Pas ngjarjeve të fundit në veri të Kosovës, Përfaqësuesi Special i Asamblesë së Përgjithshme të OSBE-së për Evropën Juglindore, Michael Link (deputet i Gjermanisë), dënoi ashpër dhunën që u përdor kundër qytetarëve, mediave, autoriteteve të zbatimit të ligjit dhe paqeruajtësve të KFOR-it në veri të vendit.
Link tha se dy muaj më parë kishte mirëpritur marrëveshjen e Ohrit mes Kosovës dhe Serbisë, ndërsa tani po ndodhin “skena të pakëndshme në rrugët e veriut të Kosovës”.
“Dy muaj më parë, mirëprita progresin që u arrit në takimin e nivelit të lartë në Ohër në bisedimet Beograd-Prishtinë për marrëdhëniet e fqinjësisë së mirë, por fatkeqësisht këto ditë mund të shohim skena të pakëndshme në rrugët e veriut të Kosovës”.
“E drejta themelore për të protestuar duhet të ushtrohet në mënyrë paqësore dhe pa ushtruar dhunë ndaj autoriteteve të zbatimit të ligjit, të cilat nga ana e tyre nuk duhet të përdorin forcë të tepruar. Media duhet të jetë në gjendje të raportojë në mënyrë të papenguar”, tha Link.
Link, i cili shërben edhe si Zëvendës-President i AP të OSBE-së, u bëri thirrje të gjithë aktorëve të përfshirë në ngjarjet e fundit të punojnë për de-përshkallëzimin, duke theksuar se kishte mjaft dhunë.
“Plani i rënë dakord gjermano-francez dhe aneksi i tij i rënë dakord në Ohër duhet të marrë formën e tij përfundimtare në tryezën e negociatave të lehtësuara nga BE-ja”, tha ai.
OSBE dhe Asambleja e saj Parlamentare mbështesin përpjekjet e rajonit të Ballkanit Perëndimor në arritjen e përparimit në reformat dhe demokratizimin, theksoi Përfaqësuesi Special.
© SYRI.net
Kamberi mban takime në PE dhe KiE, diskuton diskriminimin e shqiptarëve në Luginë
Avdullah Hoti: Kurtit nuk i beson më askush
Lajçak thotë se propozoi një “dokument kompromisi” për dinarin në takimin e Brukselit
Denonco
Merrni lajmet më të fundit nga SYRI.net në çdo moment dhe kudo që të jeni!
